Бишкек, 24.12.25. /Кабар/. Баткен районунун прокуратурасынын жаңы административдик имараты пайдаланууга берилди. Бул тууралуу Башкы прокуратурадан билдиришти.
Ачылыш аземинде алыскы аймакта жаңы имараттын ачылышы өлкөдө мыйзамдуулукту чыңдоого багытталган иш-аракеттердин маанилүү жыйынтыктарынын бири катары бааланды. Имараттын ишке берилиши - коомдо мыйзамдуулукту жана адилеттүүлүктү чыңдоого багытталган маанилүү кадам.
Жаңы административдик имаратта кызматкерлер үчүн ыңгайлуу иш шарттары камсыздалган. Ошондой эле жарандарды кабыл алуу үчүн жеткиликтүү, ыңгайлуу жана ачык форматтагы бөлмөлөр каралган.
