Бишкек, 05.03.26. /Кабар/. Министрлер кабинетинин төрагасынын биринчи орун басары Данияр Амангелдиев президенттин Баткен облусундагы жаңы дайындалган өкүлү Мамыржан Рахимовду облус активине тааныштырды.
Өкүлчүлүктөн билдиришкендей, Данияр Амангелдиев жаңы жетекчинин ишине ийгилик каалап, мурдагы өкүл Айбек Шаменовго жасаган кызматы үчүн ыраазычылык билдирди.
Мамыржан Рахимов кесиби боюнча юрист. 2012-2017-жылдары Баткен шаардык кеңешинин депутаты, 2017-2021-жылдары Баткен шаарынын мэри кызматын аркалап келген. Ал эми 2021-2023-жылдары Баткендин чек ара аймактарын калыбына келтирүү жана өнүктүрүү боюнча президенттин атайын өкүлү болуп иштеген.
