Бишкек 27.06.25 /Кабар/. Балыкчы шаарында жыл башынан бери 3 582 "акылдуу" эсептегич орнотулду. Бул тууралуу Энергетика министрлигинен билдиришти.
Маалыматка ылайык, быйыл Балыкчы шаарына жалпы 8 700 "акылдуу" эсептегич орнотуу пландалган жана ноябрь айына чейин толук орнотулуп бүтөт.
Маалымат үчүн: акылдуу эсептегичтер реалдуу убакыт режиминде көрсөткүчтөрдү серверге автоматтык түрдө жөнөтүп, электр жабдууларын ашыкча жүктөөдөн сактап, коррупцияны жоюуга көмөк көрсөтүп, кардарлар үчүн да ыңгайлуу болот.
Жаңы эсептегичтердин жардамы менен кардарлар керектеген энергиянын көлөмүн так көрө алышат, ал эми кызматкерлер көрсөткүчтөрдү кол менен чогултпайт. Мындан тышкары, эсептегичтер электр тармагындагы жоготууларды азайтууга жана тейлөөнүн сапатын жогорулатууга өбөлгө түзөт.
