Бишкек, 01.04.25. /Кабар/. Президенттин Баткен облусундагы өкүлчүлүгүндө кадрдык өзгөрүүлөр орун алды.
Өкүлчүлүктөн билдиришкендей, Бактыбек Токсонбаев президенттин Баткен облусундагы ыйгарым укуктуу өкүлүнүн биринчи орун басары болуп, Абдирашит Ташбалтаев орун басары болуп Ташбалтаев дайындалды.
Тиешелүү тескемелерге министрлер кабинетинин төрагасы Адылбек Касымалиев кол койду.
Бактыбек Токсонбаев буга чейин президенттин администрациясынын президенттин жана министрлер кабинетинин чечимдерин даярдоо бөлүмүнүн уюштуруу иштери жана региондор менен өз ара аракеттенүү бөлүмүнүн мамлекеттик инспектору (Баткен облусу боюнча куратор) кызматын аркалаган.
Абдирашит Ташбалтаев буга чейин Лейлек райондук мамлекеттик администрация башчысы-акимдин биринчи орун басары кызматында иштеген.
Жаңы дайындалган жетекчилерди облустун активине Баткен облусунун башчысы Айбек Шаменов тааныштырып, иштерине ийгилик каалады.
