Бишкек, 21.02.25. /Кабар/. Муфтияттын алдындагы быйылкы ажылык сапарды уюштуруу боюнча штабдын жетекчиси Жолдошбек Абдылдаев жана штабдын өкүлдөрү зыяратчылардын фрмаларын тигип жаткан ишканага барышты.
Дин башкармалыктан билдиришкендей, иш сапардын жүрүшүндө формалардын сапатына, кесилишине, тигүүсүнө жана материалдарына көңүл бурулду.
«Быйыл биздин форма өзгөчө болду. Ыңгайлуу кездемелер тандалып, дизайнда улуттук колорит чагылдырылган. Учурда 5 миң комплект даяр», - деди Жолдошбек Абдылдаев.
