Бишкек, 01.04.26. /Кабар/. Ата мекендик калыстар тобу FIFA Series эл аралык турниринин финалдык беттешин тейледи. Бул тууралуу Кыргыз футбол биримдигинен билдиришти.
Маалыматка ылайык, FIFA Series FIFAнын алдында өткөрүлгөн эл аралык мелдеш болуп саналат. Турнир мини-турнир форматында өтүп, ар бирине ар башка конфедерациялардан төрттөн улуттук курама команда катышат. Беттештер FIFAнын эл аралык терезесинин алкагында бир жерде өткөрүлөт.
Ташкент шаарында өткөн турнирдин алкагында финалдык оюнда Өзбекстандын улуттук курама командасы Венесуэланы жеңип, чемпион аталды. Негизги убакыт 0:0 эсеби менен жыйынтыкталып, пенальтилер сериясында өзбекстандыктар 5:4 эсеби менен жеңишке жетишти.
Турнирге төрт курама команда — Өзбекстан, Венесуэла, Тринидад жана Тобаго жана Габон катышты. Жыйынтыгында жеңүүчү болуп Өзбекстандын курамасы табылды.
Финалдык беттешти ата мекендик калыстар тобу тейледи:
- Бахадыр Кочкаров — беттештин инспектору;
- Медербек Тайчиев — башкы калыс;
- Зайниддин Алимов — резервдик калыс;
- Исмаил Талипжанов — жардамчы калыс;
- Элдос Мурзабеков — жардамчы калыс.
