Бишкек, 29.05.26. /Кабар/. Кыргызгидромет кызматы өлкөдөгү 29-майдан 4-июнга чейинки аралыкка карата аба ырайынын божомолу менен бөлүштү. Ага ылайык, апта ичинде аба ырайы өлкөнүн көпчүлүк аймактарында туруксуз болот.
Чүй жана Талас облустары
Чүй жана Талас облустарында 29-майдан 4-июнга чейинки аралыкта аба ырайы негизинен бирдей мүнөздө өтөт. Бул аймактарда түнкүсүн жаан-чачын күтүлбөйт, ал эми күндүз тоолуу райондордо өткүн өтүп, күн күркүрөшү мүмкүн. Бийик тоолуу аймактарда кар жаашы ыктымал, ал эми дыйканчылык аймактарында жаан жаабайт.
29-майда түнкүсүн жаан-чачын болбойт, күндүз айрым тоолуу аймактарда өткүн өтөт. 30-31-май күндөрү негизинен жаан-чачынсыз өтүп, күндүз тоолордо кыска мөөнөттүү жаан жаап, күн күркүрөшү күтүлөт. 1-июнда аба ырайы туруктуу бойдон калат, ал эми 2-июнда айрым жерлерде өткүн өтүшү мүмкүн. 3–4-июнь күндөрү да тоолуу райондордо кыска мөөнөттүү жаан-чачын жана күн күркүрөөсү кайталанышы ыктымал.
Ош, Жалал-Абад жана Баткен облустары
Ош, Жалал-Абад жана Баткен облустарында 29-майдан 4-июнга чейинки мезгилде аба ырайы негизинен туруксуз болот. Түнкүсүн көпчүлүк аймактарда жаан-чачын күтүлбөйт. Ал эми күндүз тоолуу жана тоо этектериндеги райондордо өткүн өтүп, күн күркүрөшү мүмкүн, бийик тоолуу аймактарда кар жаашы ыктымал. Дыйканчылык аймактарында негизинен жаан жаабайт.
29–31-май күндөрү түнкүсүн жаан-чачын болбойт, күндүз тоолуу райондордо кыска мөөнөттүү өткүн жаашы күтүлөт. 1–2-июнь күндөрү да ушундай эле мүнөздө болуп, айрым жерлерде күн күркүрөп, өткүн өтүшү ыктымал. Ал эми 3–4-июнь күндөрү аба ырайы салыштырмалуу туруксуз болуп, тоолуу аймактарда жаан-чачын жана күн күркүрөөсү кайталанышы мүмкүн.
Ысык-Көл жана Нарын облустары
Ысык-Көл жана Нарын облустарында 29-майдан 4-июнга чейинки мезгилде аба ырайы негизинен туруксуз болот. Бул аймактарда түнкүсүн көпчүлүк учурда жаан-чачын күтүлбөйт. Ал эми күндүз тоолуу райондордо өткүн өтүп, күн күркүрөшү байкалат, бийик тоолуу аймактарда кар жаашы ыктымал.
29–31-май күндөрү негизинен тоолуу райондордо кыска мөөнөттүү өткүн күтүлүп, күн күркүрөшү мүмкүн. 1–2-июнь күндөрү түнкүсүн жаан-чачын дээрлик болбойт, күндүз айрым жерлерде өткүн өтүшү ыктымал. Ал эми 3–4-июнь күндөрү да ушундай эле туруксуз аба ырайы сакталат, айрыкча бийик тоолуу райондордо кар түшүп, жолдор тайгак болушу күтүлөт.
