Бишкек, 29.10.25. /Кабар/. Америкалык Amazon компаниясы шейшембиден баштап чыгымдарды азайтуу максатында компаниялардагы 30 миңге чейин жумуш ордун кыскартууну пландаштырууда. Бул тууралуу Азертадж агенттиги маалымдайт.
Ошентип, компания пандемиядан улам келип чыккан жогорку суроо-талап учурундагы ашыкча жумушка алууну кыскартат.
Бул 2022-жылдын аягынан бери Amazonдогу эң ири жумуш орундарын кыскартуу болот, ал кезде компания болжол менен 27 миң позицияны кыскарта баштаган.
Amazon`дун башкы директору Энди Жесси ашыкча бюрократия деп атаган нерсени, анын ичинде менеджерлердин санын кыскартуу аркылуу, азайтуу демилгесин ишке ашырууда.
Reuters жазгандай, ал ушул жылдын башында натыйжасыздыкка нааразы болуу үчүн анонимдүү линияны түзгөн, ал буга чейин 1500гө жакын жооп топтоп, процесстерге 450дөн ашык өзгөртүү киргизген.
Июнь айында Жесси жасалма интеллект (ЖИ) куралдарын кеңири колдонуу, өзгөчө кайталануучу жана күнүмдүк милдеттерди автоматташтыруу аркылуу, жумуш орундарын дагы кыскартууга алып келиши мүмкүндүгүн айткан.
Ошондой эле Amazon кезектеги чоң майрамдык сатуу сезонун күтүүдө. Компания кампа кызматкерлери үчүн, ошондой эле башка муктаждыктарды канааттандыруу үчүн 250 миң сезондук жумуш орундарын сунуштоону пландаштырууда.
Дүйшөмбү күнү Amazon`дун акциялары 1,2 пайызга өсүп, 226,97 долларды түздү.
