Бишкек, 13.08.25 /Кабар/. АКШнын Аляска штатындагы Жуно шаарынын бийлиги Мэнденхолл мөңгүсүнө жакын жашаган тургундарды эвакуация болууга чакырды. Бул тууралуу Известия агенттиги билдирди.
Маалыматка ылайык, бул кырдаалга ушул жумада күтүлүп жаткан мөңгү сууларынын ташкыны себеп болууда. Шаардык өзгөчө кырдаалдар кызматы бул чаралар тургундардын коопсуздугу үчүн көрүлүп жатканын билдирди.
Өткөн жылы болгон ташкында болжол менен 290 үй жабыркаган. Бийлик кайрадан мындай кырсыкты болтурбоо үчүн убактылуу тосмолорду курду.
Мындан сырткары, АКШ президенти Дональд Трамп 15-августта Россия президенти Владимир Путин менен Аляскада жолугарын жарыялаган.
