Бишкек, 12.08.25 /Кабар/. Күн мурун COMEX биржасында декабрь айындагы алтын фьючерстеринин баасы 2,2% төмөндөп, трой унциясы 3414,6 доллар болду. Өткөн жумада баа тарыхый максимумга – унциясы 3534,1га жеткен эле. Бул тууралуу Интерфакс агенттиги жазды.
Маалыматка ылайык, Швейцариядан келген алтынга бажы төлөмдөрү киргизилет деген кабарлар жана дүйнөдөгү геосаясий кырдаалдын (орус-украин жаңжалы) жумшарары тууралуу үмүттөр баанын төмөндөшүнө себеп болду.
Кийин маалымат каражаттары президент Дональд Трамптын администрациясы бул маселени тактап, куймаларды бажы төлөмдөрүнөн чыгарууну пландап жатканын жазышты.
