Бишкек, 24.07.26. /Кабар/. "Алтын Бешик" балдар лагериндеги кырдаал көзөмөлдө, өмүргө коркунуч жок.
Өкүлчүлүктөн билдиришкендей, кечээ жааган нөшөрлүү жаандан улам Баткен районунун Суу-Башы айыл өкмөтүнүн аймагында жайгашкан “Алтын Бешик” балдар эс алуу лагеринин окуучулары мугалимдери менен кошо кырдаалга байланыштуу түнкү саат 03:00дө ыкчам түрдө коопсуз жайга эвакуацияланды.
Учурда алардын өмүрүнө жана ден соолугуна коркунуч жок.
Окуя болгон жерде Баткен районунун акиминин биринчи орун басары Алимбек Матмуратов болуп, калыбына келтирүү иштерин ыкчам жүргүзүү, ошондой эле жарандардын коопсуздугун толук камсыз кылуу боюнча тиешелүү кызматтарга конкреттүү тапшырмаларды берди.
