Бишкек, 31.01.25. / Кабар/. Алмаз Медеров АКШнын Калифорния штатындагы Лос-Анжелес шаарындагы Кыргызстандын Соода-өнөр жай палатасынын өкүлү болуп дайындалды. Бул тууралуу Соода-өнөр жай палатасынан билдиришти.
Маалыматка ылайык, анын ыйгарым укуктарын тастыктаган күбөлүккө Президиумдун 2025-жылдын 28-январындагы токтомунун негизинде палатанын президенти Темир Сариев кол койгон.
“Алмаз Медеровдун негизги милдети Кыргызстан менен Калифорния штатынын ортосундагы соода-экономикалык мамилелерди өнүктүрүү, ошондой эле Америка Кошмо Штаттарынын бул рыногунда кыргызстандык ишкерлерди колдоо болмокчу”,-деп айтылат маалыматта.
