Бишкек, 27.10.26. /Кабар/. Кыргызгидромет кызматы Кыргызстанда 27-октябрдан 2-ноябрга чейин күтүлгөн аба ырайынын божомолун чыгарды. Анда белгиленгендей, өлкөдө өзгөрмөлүү аба ырайы күтүлөт.
Чүй жана Талас облустарында 27-октябрда түнкүсүн, ошондой эле 31-октябрдан 2-ноябрга чейин жаан-чачын күтүлбөйт.
28-октябрда күндүз Чүй облусунун тоолуу райондорунда кар жаашы мүмкүн. Ал эми Талас облусунда күндүз айрым жерлерде жаан, тоолуу райондордо кар жаашы күтүлөт.
29-октябрда эки облустун айрым жерлеринде жаан, тоолуу райондорунда кар жаашы ыктымал. 30-октябрда Чүй облусунун тоо этектеринде жаан, тоолуу райондорунда кар жаашы күтүлөт, өрөөндөрдө жана Талас облусунда жаан-чачын болбойт.
Ош, Жалал-Абад жана Баткен облустарында 27-28-октябрда түнкүсүн жаан-чачын күтүлбөйт. 28-29-октябрда айрым жерлерде жаан, тоолуу райондордо кар жаашы күтүлөт.
30-октябрда Ош жана Баткен облустарынын тоолуу райондорунда түнкүсүн кар жаашы мүмкүн. Күндүз Ош жана Баткен облустарынын тоо этектеринде жаан, тоолуу райондорунда кар жаайт, өрөөндөрдө жаан-чачын күтүлбөйт. Жалал-Абад облусунда бул күнү жаан-чачын болбойт.
31-октябрда үч облуста тең жаан-чачын күтүлбөйт.
1-ноябрда Ош жана Баткен облустарынын айрым жерлеринде жаан, тоолуу райондорунда кар жаашы күтүлөт. Жалал-Абад облусунда жаан-чачын болбойт.
2-ноябрда үч облуста тең түнкүсүн жаан-чачын күтүлбөйт. Күндүз айрым жерлерде жаан, тоолуу райондордо кар жаашы мүмкүн.
Ысык-Көл жана Нарын облустарында 27-октябрда түнкүсүн айрым жерлерде жаан, тоолуу райондордо кар жаашы мүмкүн. 28-октябрда Ысык-Көлдө жаан-чачын күтүлбөйт, Нарын облусунда күндүз айрым жерлерде жаан, тоолуу райондордо кар жаайт. 29-октябрда эки облуста тең жаан, кар жаашы күтүлөт.
30-31-октябрда Ысык-Көл облусунда айрым жерлерде жаан, тоолуу райондордо кар жаайт. Нарын облусунда жаан-чачын күтүлбөйт. 1-ноябрда эки облуста тең жаан-чачын болбойт. 2-ноябрда күндүз айрым жерлерде жаан, тоолуу райондордо кар жаашы күтүлөт.
