Бишкек, 02.03.26. /Кабар/. Кыргызстандык эки балбан Албаниянын Тирана шаарында өтүп жаткан MUHAMET MALO рейтингдик турниринде эки коло жеңип алышты.
Дене тарбия жана спорт мамлекеттик агенттигинен билдиришкендей, алар 72 кг чейинки салмак категориясында күч сынашкан Раззак Бейшекеев жана 97 кг чейинки салмак категориясында катышкан Үзүр Жусупбеков.
Белгилей кетсек, турнирдин акыркы күнү 1-мартта Кыргызстандан 8 балбан беттешке чыккан.
