Бишкек, 19.08.26. /Кабар/. Аксы районундагы Ак-Терек каналында туннель казуу иштери аяктап калды.
Президенттин Жалал-Абад облусундагы өкүлчүлүгүнөн билдиришкендей, учурда 2,44 чакырымдык туннелдин 1 980 метри казылып, 64 метри калды.
Объект "Кыргыз Республикасында 2017-2026-жылдардагы ирригацияны өнүктүрүү" мамлекеттик программасынын алкагында курулууда. Каналдын жалпы узундугу 7,4 чакырымды түзөт.
Канал 2026-жылдын IV кварталында пайдаланууга берилери пландалууда. Долбоор ишке ашса, Жерге-Тал, Кербен шаары жана Кош-Дөбө айыл аймагындагы жалпы 4 408 гектар жер сугат суу менен камсыздалат.
Бул тууралуу күн мурун президенттин өзгөчө тапшырмалар боюнча атайын өкүлү Бакыт Төрөбаев аталган туннелдин курулуш иши менен таанышуу учурунда айтты.
Мындан тышкары, сапардын жүрүшүндө "Таза-Суу" долбоорунун, Келпик жана Ак-Тоңду насостук бекеттеринин, ошондой эле Кадыркул Чекиров атындагы мектептин курулушу менен таанышылды.
Жооптуу жетекчилерге курулуш иштерин белгиленген мөөнөттө жана сапаттуу бүткөрүү тапшырмасы берилди.
