Бишкек, 10.04.26. /Кабар/. Бишкектеги Ак-Тилек конушунда 100 орундуу жаңы бала бакчанын курулушу уланууда. Бул тууралуу мэриядан билдиришти.
Маалыматка ылайык, жер тилкесинин аянты 0,2179 гектарды түзөт, ал эми имараттын жалпы аянты 1042,05 чарчы метрге жетет.
Объект борбор калаанын Свердлов районунда жайгашкан.
Бала бакчанын имаратынын темир-бетон каркасы толугу менен бүткөрүлдү. Учурда чатырын жабуу жана кирпич дубалдарын орнотуу иштери жүрүп жатат.
