Бишкек, 17.11.25. /Кабар/. Ак-Суу районунун Алмалуу капчыгайында жайгашкан мыйзамсыз курулуш боюнча чара көрүлдү. Бул тууралуу Курулуш, архитектура жана турак жай-коммуналдык чарба министрлигинен билдиришти.
Маалыматка ылайык, аталган капчыгайда жайгашкан эс алуу жайынын реестрге катталбагандыгы жана курулушка уруксат берүүчү документтери жок экендиги аныкталды.
Натыйжада жеке ишкер М.А. Озубековго эки жүз миң сом өлчөмүндө айып салынды. Ошондой эле, юридикалык баа берүү үчүн текшерүүнүн материалдары Укук коргоо органдарына өткөрүп берилет.
Курулуш, архитектура жана турак жай-коммуналдык чарба министрлигине караштуу Мамлекеттик архитектура-курулуш контролдоо департаментинин Ысык-Көл регионалдык башкармалыгы тарабынан аймактагы курулуш объектилери тыкыр көзөмөлдөнүүдө.
