Бишкек, 09.09.26. /Кабар/. Бишкек шаарындагы Ак-Ордо конушунда жаңы бала бакча салынды. Бул тууралуу Курулуш, архитектура жана турак жай-коммуналдык чарба министрлигинен билдиришти.
Маалыматка ылайык, объекттин курулушу республикалык бюджеттен каржыланып, жалпы наркы 233 млн сомду түздү.
Долбоор боюнча бала бакча 280 орунга ылайыкталган.
"Бала бакчада азык-түлүк сактоочу кампасы менен ашкана, ойноо жана уктоочу, тарбиялык сааттарды өткөрүүчү бөлмөлөр, кабылдама жана дарыгердин бөлмөсү жайгашкан. Балдардын коопсуздугу эске алынып, имараттын сыртында заманбап оюн аянтчалары уюштурулган",-деп айтылат маалыматта.
Белгилей кетсек, бүгүнкү күндө бала бакчанын имаратында тазалоо жана эмеректерди жайгаштыруу иштери жүргүзүлүүдө.
