Бишкек, 13.02.25. /Кабар/. Кабулда террорист-жанкечтинин жардыруусунан улам бир адам каза тапты. Бул тууралуу ТАСС кабарлады.
Маалыматка караганда, жардыруу Шаарды өнүктүрүү жана турак жай курулушу министрлигинин алдында болгон.
Анын кесепетинен бир адам каза тапса, дагы үчөө жаракат алды.
Жардырууга чейин террорист имаратка кирүүгө аракет кылган, бирок коопсуздук кызматкерлери тарабынан токтотулган.
