Бишкек, 25.02.25. /Кабар/. Афганистанда полиомиелитке каршы эмдөө жүрүүдө.
Синьхуа агенттиги билдиргендей, Афганистандын Саламаттык сактоо министрлиги 24-февралдан тартып 4 күндүк эмдөө компаниясы башталгандыгын маалымдаган.
Полиовируска каршы 5 жашка чейинки 6,3 млн бала вакцина алат. Мында балдардын оозуна тамчы тамызылат.
Саламаттык сактоо министри Шарафат Заман Амархил ата-энелерди медицина кызматкерлерине колдоо көрсөтүп, кампанияга активдүү катышууга чакырды.
Өткөн жумада Афганистандын батышындагы Багдис провинциясында полиомиелит оорусу катталгандыгы айтылган.
