Бишкек, 16.02.26. /Кабар/. Министрлер кабинетинин төрагасы Адылбек Касымалиев Жаратылыш ресурстары, экология жана техникалык көзөмөл министрлигинин жамаатына жаңы дайындалган министрдин милдетин аткаруучу Акыл Токтобаевди тааныштырды.
Иш-чаранын жүрүшүндө Адылбек Касымалиев Акыл Токтобаевдин бул кызматка дайындалышы өлкө жетекчилигинин ага болгон чоң ишеними экенин баса белгиледи. Ал жаңы жетекчи өзүнүн кесиптик тажрыйбасы жана башкаруучулук сапаттары менен ведомствонун алдындагы масштабдуу милдеттерди ийгиликтүү ишке ашыра аларына ишеним билдирди.
Эске салсак, президенттин жарлыгына ылайык, Акыл Токтобаев жаратылыш ресурстары, экология жана техникалык көзөмөл министринин милдетин аткаруучу болуп дайындалды. Учурдагы мыйзамдарга ылайык, анын талапкерлиги Жогорку Кеңешке макулдашуу үчүн сунушталды.
