Бишкек, 17.02.26. /Кабар/. Министрлер кабинетинин төрагасы Адылбек Касымалиев Ош облусуна болгон иш сапарынын алкагында Ош шаарындагы көрктөндүрүү жана жашылдандыруу чарба комбинаты муниципалдык ишканасынын курулуп жаткан жаңы күнөсканасын көрүп чыкты.
Күнөскана Ош шаарынын аймагын көрктөндүрүү жана жашылдандыруу иштерине пайдалануу үчүн ар түрдүү гүлдөрдү, декоративдүү өсүмдүктөрдү жана жашыл көчөттөрдү өстүрөт.
Министрлер кабинетинин төрагасы курулушту өз мөөнөтүндө сапаттуу бүткөрүүнү тапшырды.
