Бишкек, 18.02.26. /Кабар/. №13 округдан шайланып келген үч депутат – Айбек Алтынбеков, Талант Мамытов, Айгүл Карабекова “Мекенчил” тобуна киришти. Бул тууралуу Жогорку Кеңештин жыйынында эл өкүлү Айбек Алтынбеков билдирди.
Белгилей кетсек, Жогорку Кеңештин 8-чакырылышында 5 депутаттык топ түзүлгөн:
- “Адилет Кыргызстан”,
- “Ала-Тоо”,
- “Ата-Журт”,
- “Мекенчил”,
- “Элдик”.
Эл өкүлдөрү Элвира Сурабалдиева, Эрулан Кокулов, Болот Ибрагимов депутаттык топтордун курамына кирген эмес.