Бишкек, 06.02.25. /Кабар/. 2025-жылдын башынан бери кызамык оорусунан 2 бала каза болгон. Бул тууралуу Саламаттык сактоо министрлигинин иммунизациялоо боюнча журналисттер үчүн уюштурган иш-чарасында маалымдалды.
Маалыматта айтылгандай, алардын бирөө 1 жашка чейинки куракта, бир учур 8 жашта болуп, жаш курагы жете электигине жана профилактикалык эмдөөдөн баш тарткандыгына жараша эмделген эмес.
Белгилей кетсек, эки учур тең Бишкек шаарында катталган.
Эскерте кетсек, 2024-жылы кызамык оорусунан эмдөөдөн өтпөгөн 4 жашка чейинки 5 бала каза болгон.
