Бишкек, 20.02.26. /Кабар/. Дүйнөдөгү эң абройлуу сүрөт сыйлыктардын бири — Sony World Photography Awards быйылкы жеңүүчүлөрүн жарыялады. Бул тууралуу Open.kg басылмасы жазды.
19-жолу өткөрүлүп жаткан бул сынакка дүйнөнүн 200дөн ашык өлкөсүнөн 430 миңден ашуун эмгек катышкан.
"Жапайы жаратылыш" категориясында эң сейрек жана таасирдүү жаратылыш кубулуштары менен жаныбарлардын кадрлары тандалып алынды. Бардык эмгектер жаратылыштын сулуулугун жана андагы жандыктардын турмушун "фильтрсиз" чагылдырат.
Бул сынак дүйнөдөгү сүрөтчүлөр үчүн эң бийик трибуналардын бири болуп саналат.
