Бишкек, 13.03.25. /Кабар/. Президенттин Жалал-Абад облусундагы өкүлү Тилек Текебаевдин тапшырмасы менен облус аймагындагы саламаттык сактоо мекемелериндеги өрт коопсуздук эрежелеринин сакталышы текшерүүгө алынууда. Бул тууралуу өкүлчүлүктөн билдиришти.
Буга чейин Өзгөчө кырдаалдар министрлигине караштуу Өрттү көзөмөлдөө боюнча кызматынын Жалал-Абад облусу боюнча бөлүмүнүн кызматкерлери тарабынан облустук клиникалык ооруканасы, Г.Бауэр атындагы кургак учукка каршы күрөшүү борбору жана үй-бүлөлүк дарыгерлер топторунун имараттары каралды.
Текшерүү учурунда маалым болгон кемчиликтер айтылып, алдын алуу боюнча эскертүүлөр берилди.
