Ташкент, 15.10.25. /Кабар/. 2025-жылдын 14-октябрына карата Өзбекстан Республикасынын туруктуу калкынын саны 38 млн 100 миң 377 адамга жетти. Бул тууралуу өлкөнүн Улуттук статистика комитети билдирди.
Адистердин айтымында, калктын өсүү ыргагы туруктуу бойдон калууда — ай сайын орто эсеп менен 51,5 миң адамга көбөйүүдө. Бул суткасына болжол менен 1,7 миң жаранга туура келет.
Ошол эле учурда, 2025-жылдын алгачкы жарым жылдыгынын (январь–июнь) жыйынтыктары боюнча төрөлүү көрсөткүчү бир аз төмөндөгөн. Бул мезгилде өлкөдө 405,5 миң бала төрөлгөн. Бул өткөн жылдын ушул мезгилине салыштырмалуу 14,4 миңге аз.
