Ташкент, 03.09.25. /Кабар/. 2-сентябрдан тартып «Узбекнефтегаз» компаниясы АИ-80 маркасындагы бензинди биржа аркылуу толугу менен сатууну токтотконун билдирди.
Мекеменин маалыматына ылайык, бул кадам ички базарга сапаты жогору күйүүчү майды көбүрөөк сунуштоого багытталган.
АИ-80дин ордуна эми жогорку октандык АИ-92 бензининин көлөмү кыйла көбөйтүлдү. Мурун биржага болжол менен 1 миң тонна АИ-92 чыгарылса, азыр анын көлөмү 1 720 тоннага жетти. Зарыл болсо, суроо-талапка жараша мындан да көбөйтүлөрү айтылды.
Ошондой эле «Узбекнефтегаз» август айында АИ-80 бензинин сатып алган кардарлар менен түзүлгөн келишимдер толук аткарылаарын, калган отун сентябрь ичинде жеткирилерин кошумчалады.
