Бишкек, 04.04.25. /Кабар/. Ысык-Көл облусунда жыл башынан бери 10 миңден ашык акылдуу эсептегич орнотулду.
Ысык-Көл электр тармактар ишканасынан билдиришкендей, ишкана керектөөчүлөрдү электр жарыгы менен камсыздоонун сапатын жогорулатуу, дебитордук карыздарды азайтуу максатында акылдуу эсептегичтерди орнотуу иштерин улантууда.
2025-жылы Ысык-Көл облусу боюнча жалпы 55923 акылдуу эсептегич орнотуу пландалган.
Анын ичинен:
- Жети-Өгүз РЭТине 15600;
- Балыкыч РЭТине 8700;
- Ак-Суу РЭТине 10700;
- Каракол РЭТине 2223;
-Чолпон-Ата РЭТине 8100;
- Тоң РЭТине 10600 даана акылдуу эсептегичтер орнотулат.
Ал эми 2025-жылдын январь айынан бери облус боюнча 10 миң 333 акылдуу эсептегич орнотулду. Калгандары толугу менен жыл аягына чейин орнотулуп бүтөт.
Акылдуу эсептегичтер:
- реалдуу убакыт режиминде көрсөткүчөрдү серверге автоматтык түрдө берет;
- электр жабдууларын ашыкча жүктөөдөн сактоого жардам берет;
- эсептегичтин иштешине сырттан тоскоолдук кылуу аракеттери жөнүндө автоматтык түрдө билдирет;
- дебитордук карыз үчүн автоматтык түрдө өчүрүлөт жана төлөм жүргүзүлгөндөн кийин кошулат;
- үзгүлтүксүз электр энергиясы менен камсыз кылат;
- берилген электр энергиясынын сапатын жогорулатат;
- коррупцияны жоюуга жардам берет;
- электр жабдууларын ашыкча жүктөөдөн сактайт.
Маалыматка ылайык, 2024-жылы Ысык-Көл электр тармагы ишкнасы боюнча 15091 кардарга акылдуу эсептегич орнотулду. Анын ичинен12 миң 590 даана Түп районуна орнотулган.
