Бишкек, 25.06.26. /Кабар/. Венесуэладагы жер титирөөдөн кеминде 164 адам каза болду. Бул тууралуу АЗЕРТАЖ жазды.
Республиканын өлкөнүн ыйгарым укуктуу президенти Делси Родригес ал эми табият кырсыгынан 971 адам жабыркаганын билдирди.
Анын айтымында, инфраструктураны, ооруканаларды жана турак жайларды калыбына келтирүү үчүн Эл аралык валюта фондунун ресурстарынын эсебинен 200 млн доллары өлчөмүндөгү баштапкы фонд түзүлөт.
АКШнын Геологиялык кызматы каза болгондордун санын баалоо үчүн колдонулган божомолдоо моделдерине таянып, курмандыктардын саны миңдеген адамдарга жетиши мүмкүн экенин, ал тургай алардын саны 10 миңден ашып кетүү ыктымалдыгы жогору экенин билдирди.
Белгиленгендей, 24-июнь күнү кечинде Венесуэлада аралыгы болжол менен 40 секунд болгон 7,2 жана 7,5 магнитудалуу эки жер титирөө катталган. Алардын эпицентрлери Венесуэланын Яракуй штатында бири-биринен 10 чакырым аралыкта жайгашкан.
