Бишкек, 11.03.26. /Кабар/. “Улуттук дем – дүйнөлүк бийиктик” аттуу чыгармачыл бирикмелер жана илимий интеллигенциянын республикалык форумунун үчүнчү этабын ишке ашырууга арналган жыйын өттү. Бул тууралуу Маданият, маалымат жана жаштар саясаты министрлигинен билдиришти.
Маалыматка ылайык, анда форумдун негизги мааниси, демилгелери, максаттары жана милдеттери талкууланды.
Ошондой эле форумдун үчүнчү этабын өткөрүүгө байланышкан уюштуруу маселелери, иш-чаралардын мазмуну жана аларды жогорку деңгээлде өткөрүү боюнча сунуш-пикирлер айтылды.
Катышуучулар иш-чара чыгармачыл коомчулук менен илимий интеллигенциянын өз ара кызматташтыгын бекемдөөгө, улуттук маданий баалуулуктарды даңазалоо жана өлкөнүн интеллектуалдык потенциалын өнүктүрүүгө өбөлгө түзөрүн белгилешти.
Жыйындын соңунда форумду өткөрүү боюнча мындан аркы иш-чараларды координациялоо боюнча тиешелүү тапшырмалар берилди.
