Бишкек, 29.09.25. /Кабар/. УКМК органдары Ош ОИИБ менен биргеликте козголгон кылмыш ишинин алкагында эл аралык террористтик уюмдардын ишмердигине каршы күрөшүү боюнча иш-чаралардын жүрүшүндө эл аралык террористтик уюмдардын идеологиясынын жактоочулары жашаган 3 жер боюнча санкцияланган тинтүү иш-чараларын жүргүздү.
Атайын кызматтын маалыматына ылайык, тинтүүлөрдүн натыйжасында тыюу салынган экстремисттик мүнөздөгү материалдар – 25 китеп, 6 дептер, 5 баракча, 1 уюлдук телефон табылып, далил буюм катары алынган.
Аталган материалдар Юстиция министрлигине караштуу Мамлекеттик соттук-эксперттик мекемеге жөнөтүлүп, дин таануу экспертизасы дайындалды.
Экспертизанын жыйынтыгына жараша кылмыш ишинин фигуранттарына карата Кыргыз Республикасынын кылмыш-жаза мыйзамдарына ылайык тиешелүү чаралар көрүлөт.
