Бишкек, 17.04.25. /Кабар/. Туризмди өнүктүрүүнү колдоо фонду Sky Ships компаниясы менен кызматташат.
Фонддон билдиришкендей, кызматташуу меморандумуна фонддун президенти Кылычбек Рысалиев менен Sky Ships компаниясынын башкы директору Эрнис Темиркан кол коюшту.
Белгиленгендей, компаниянын карамагында өткөн жылдын декабрь айында Ысык-Көлдө сууга түшүрүлгөн эки заманбап жүргүнчү ташыган кеме бар.
Келечекте Sky Ships компаниясы Кыргыз Республикасында ири кемелерди өз алдынча чыгарууну пландаштырууда.
