Бишкек, 28.01.26. /Кабар/. Өткөн жылы Түркия 1,7 млрд долларлык кургатылган жемиштерди экспорттогон. Бул тууралуу Анадолу агенттиги кабарлайт.
Маалыматка ылайык, Түркия 2025-жылы 150 өлкөгө жана эркин зоналарга 337 миң 227 тонна продукция сатып, 1,7 млрд доллар киреше тапкан.
Кургатылган жүзүм тизмеде биринчи орунда турат, ал 500 млн долларды түздү, андан кийин кургатылган инжир (362 млн доллар) жана кургатылган өрүк (303 млн доллар) турат.
Бул мезгилде бадам экспорту 70,5%га өсүп, 87 млн долларды, мисте экспорту 20,2%га өсүп, 31 млн долларды, ал эми кургатылган алма экспорту 25,5%га өсүп, 12,6 млн долларды түздү.
Түркиянын эң ири экспорту Европа биримдигине багытталып, 775,7 млн долларды түздү.
