Бишкек, 14.02.25. /Кабар/. Токтогул районунда "Айыл чарба жана азык-түлүк" жарманкеси өтүүдө.
Жергиликтүү администрациядан билдиришкендей, райондун тургундарын арзан азык-түлүк продукциялары менен камсыз кылуу максатында Токтогул шаарындагы автобекетте азык-түлүк жарманкеси уюштурулду.
Жарманкеде эт, сүт, бал, алма, картошка азыктары сатылууда. Ага жергиликтүү тургундар жана дыйкан-фермерлер катышууда.
Белгилей кетсек, жарманке ар жуманын жума күндөрү Токтогул шаарынын автобекетинде уюштурулуп турат.
