Бишкек, 15.02.26. /Кабар/. Өзбекстан, Кыргызстан, Казакстан жана Тажикстандын энергетика жана суу ресурстары министрлеринин кезектеги жыйыны болуп өттү. Бул тууралуу Энергетика министрлигинен билдиришти.
Ведомствонун маалыматында белгиленгендей, сүйлөшүүлөрдүн жүрүшүндө акыркы жылдары мамлекеттердин президенттери тарабынан демилгеленген көп тараптуу кызматташтык бардык тармактарда, өзгөчө отун-энергетика тармагында ырааттуу жана натыйжалуу өнүгүп жатканы өзгөчө белгиленди.
Жолугушууда учурдагы күз-кыш мезгилин коопсуз өткөрүү, вегетация мезгилинде суу-энергетикалык системалардын туруктуу жана үзгүлтүксүз иштешин камсыз кылуу, өз ара кызматташууну мындан ары тереңдетүү маселелери кеңири талкууланды. Тараптар тармактын иштөө графиктерин макулдашышты.
