Бишкек, 24.02.25. /Кабар/. Талас облусунда 15 гектарга жакын жер аянты мамлекетке кайтарылды. Бул тууралуу Башкы прокуратурадан билдиришти
Маалыматка ылайык, Айтматов районунун прокуратурасы тарабынан жер мыйзамдарынын талаптарынын аткарылышы боюнча жүргүзүлгөн текшерүүдө, Кара-Буура айыл өкмөтүндөгү 14,73 гектар айыл чарба багытындагы жер тилке жеке жактардын менчигине мыйзамсыз түрдө өткөрүлгөндүгү аныкталган.
Текшерүүнүн натыйжасында, райондук прокуратура тарабынан баасы 6 млн 838 миң сомду түзгөн 14,73 гектар жер тилке мамлекеттин менчигине кайтарылды.
