Бишкек, 30.11.25. /Кабар/. Талас шаарынын мэри Нургазы Асылбеков менен вице-мэри Айбек Көчөрбаев аралыктан добуш беришти. Бул тууралуу президенттин аймактагы өкүлчүлүгүнөн билдиришти.
Жарандык милдетин аткаруу үчүн барган шаар жетекчилери алгач №2 Р. Рысакова атындагы орто мектепте жайгашкан шайлоо участкасынын ачылышына катышып, добуш берүү процессинин жүрүшү менен жеринен таанышты.
Шаар мэри тургундарды өлкөнүн келечеги үчүн маанилүү болгон саясий иш-чарага кайдыгер болбой, шайлоого активдүү катышууга чакырды.
