Бишкек, 02.07.25. /Кабар/. Суэц булуңунда нефть бургулоочу мунара оодарылып кетти. Бул тууралуу БелТА маалымат агенттиги жазды.
Маалыматка караганда, кырсыктын кесепетинен кеминде 4 адам каза таап, 21 адам жаракат алган.
Кырсык болгон жерге өлкөнүн мунай жана минералдык ресурстар министри Карим Бадави жөнөп кеткен.
Азырынча нефть бургулоочу мунара эмнеден улам урап түшкөнү белгисиз.
Учурда куткаруучулар дайынсыз жоголгон алты адамды издеп жатышат.
