Бишкек, 17.03.26. /Кабар/. Кыргызстандын Стамбул шаарындагы Башкы консулдугу мекендештер үчүн ооз ачуу уюштурулду. Бул тууралуу аталган шаардагы Башкы консулдуктан билдиришти.
Маалыматка ылайык, иш-чарага башкы консул Чыңгыз Токтобеков, Түрк мамлекеттери уюмунун башкы катчысы Кубанычбек Өмүралиев, белгилүү диний ишмер Абдишүкүр Нарматов, "Ташяпы Шишли Эткинлик Аланы" жайынын директорлор кеңешинин төрагасы Эмруллах Туранлы катышты.
Башкы консул Чыңгыз Токтобеков чакырылгандарды ыйык Рамазан айы менен куттуктап, мындай жолугушуулар чет өлкөдө жүргөн мекендештердин башын бириктирүү, өз ара байланышты бекемдөө, ошондой эле биримдик, ынтымак жана боордоштукту чыңдоо максатын көздөй тургандыгын белгиледи.
Абдишүкүр Нарматов Рамазан айынын мааниси жана руханий баалуулуктары тууралуу баян айтты. Ооз ачууга жалпы 600дөн ашык мекендеш катышты.
