Бишкек, 02.04.26. /Кабар/. Каба уулу Кожомкул атындагы спорт ордосундагы бассейнди демонтаждоо иштери башталды. Бул тууралуу мэриядан билдиришти.
Маалыматта белгиленгендей, жеринде атайын техникалар, анын ичинде эки экскаватор жана 16 HOWO иштеп жатат.
Иштерди Бишкек шаарынын мэриясынын Капиталдык курулуш башкармалыгы жүргүзүүдө.
Долбоорго ылайык, эски бассейндин ордуна жаңысы курулат. Бул машыгуу мүмкүнчүлүктөрүн кеңейтет жана борбор калаанын тургундары үчүн спорттук инфраструктуранын жеткиликтүүлүгүн жакшыртат.
