Бишкек, 03.03.25. /Кабар/. Санариптик өнүктүрүү министрлиги менен Европадагы коопсуздук жана кызматтыштык уюму санарип багытында кызматташтык тууралуу макулдашууга кол коюлду.
Ведомстводон маалымдашкандай, документке санариптик өнүктүрүү министри Азамат Жамангулов менен ЕККУнун элчиси Алексей Рогов кол коюшту.
Кызматташтык санариптик технологияларды өнүктүрүү жана инновациялык долбоорлорду колдоону камтыйт.
Кызматташтыктын алкагында министрлик санариптик демилгелерди илгерилетүүгө өбөлгө түзө турган техникалык жабдыктарды алды.
Жолугушууга ЕККУнун өкүлдөрү, тармактык серепчилер катышып, санариптик өнүктүрүүгө жана коррупцияга каршы саясатты күчөтүүгө багытталган эки тараптуу аракеттердин маанилүүлүгүнө басым жасашты.
