Бишкек, 13.02.25. /Кабар/. Мамлекеттик салык кызматынын 90дон ашык жаңы кызматкерлери кесиптик көндүмдөрүн өнүктүрүүгө жана квалификациясын жогорулатууга багытталган эки күндүк окуудан өтүштү.
Ведомстводон маалымдашкандай, алар курстун алкагында салык жана камсыздандыруу мыйзамдарынын маанилүү аспектилерин, ошондой эле заманбап контролдоо жана талдоо куралдарын өздөштүрүштү.
Салык кызматынын тажрыйбалуу адистери натыйжалуу иштөө үчүн зарыл болгон практикалык билимдери менен бөлүшүштү.
Окутуу квалификацияны жогорулатууга гана эмес, жаңы кесиптик чөйрөгө ыңгайлашууга да жардам берди.
