Бишкек, 05.11.26. /Кабар/. Бишкекте автобустарда жол кире төлөбөгөн жүргүнчүлөрдү аныктоо жана коомдук транспорттун ишин көзөмөлдөө боюнча рейддер өткөрүлүүдө. Бул тууралуу мэриядан билдиришти.
Текшерүүлөр 4-6-ноябрь күндөрү шаардагы аялдамаларда жана автобус каттамдарында жүргүзүлүүдө. Рейддер эртең менен саат 07:00дөн 10:00гө чейин жана кечинде 17:00дөн 20:00гө чейин өтөт.
Анда жүргүнчүлөрдүн жол кирени төлөө тартиби, накталай эмес төлөм системасынын иштеши, автобустардын техникалык абалы жана айдоочулардын каттам графигин сактоосу текшерилүүдө.
Ишкана жол кирени төлөбөгөн учурлар аныкталса, тиешелүү чаралар көрүлөрүн эскертти. Ошондой эле жүргүнчүлөрдү жол кирени толук жана өз убагында төлөөгө чакырды.
