Бишкек, 30.07.26. /Кабар/. Ош шаарындагы Ак-Буура – Араван каналына түшүп кеткен жаранды издөө иштери уланууда.
ӨКМдин облустук башкармалыгынын маалыматына ылайык, күн мурун 1999-жылы туулган эркек киши каналга түшүп кеткендиги тууралуу маалымат түшкөн. Окуя болгон жерге куткаруучулар жөнөтүлүп, издөө-куткаруу иштери башталган.
30-июлга карата издөө иштерине 86 куткаруучу, Ички иштер министрлигинен 15 кызматкер жана дайынсыз жоголгон жарандын жакындарынан 30 адам тартылды.
Учурда издөө-куткаруу иштери улантылып, кошумча маалыматтар берилери күтүлүүдө.
