Бишкек, 06.10.26. /Кабар/. Ош шаарындагы №10 "Топ-Жылдыз" мектепке чейинки билим берүү уюмунун имаратында капиталдык оңдоп-түзөө иштери аяктап, бүгүн, 6-октябрда пайдаланууга берилди.
Муниципалитеттен билдиришкендей, ачылыш аземине Ош шаарынын мэри Жанарбек Акаев, Ош шаардык кеңешинин төрагасы Болотбек Баетов, тиешелүү жетекчилер жана бакча жамааты катышты.
Калаа башчы өз сөзүндө шаардагы бала бакча тартыштыгын жоюу аракетинде экенин билдирип, "бардык аракеттерибиз балдар үчүн" деп белгиледи.
Маалымат үчүн: "Топ-Жылдыз" бала бакчасы эскилиги жетип, көп жылдан бери оңдоп-түзөөдөн өткөрүлбөй келген. Жаңы бакча 2 кабаттуу болуп, 450 балага ылайыкташкан.
