Бишкек, 10.02.25. /Кабар/. Ош шаарындагы Жибек-Жолу муниципалдык аймактык башкармалыгындагы көчөлөр иретке келтирилет. Бул тууралуу шаар мэри Жеңишбек Токторбаевдин шаардык кызматтардын жетекчилери менен бирге кезектеги рейддик кыдыруусунда айтылды.
Муниципалитеттин маалыматына караганда, бул жолу шаар башчысы Жибек жолу муниципалдык аймак башкармалыгынын С. Айни, 101, Имам-Ата көчөлөрүн кыдырды.
Натыйжада тиешелүү кызматтарга тротуарларды ачуу, мыйзамсыз курулуштарды буздуруу, тосмолорду алып салуу, ирригациялык тармактарды орнотуу жана имараттардын сырткы көрүнүшүн жаңылоо боюнча тапшырмаларды берди.
