Бишкек, 12.05.26. /Кабар/. Мунайдын баасы өсүүсүн улантып, Brent'тин бир баррели 104 доллардан сатылууда. Бул тууралуу Казинформ жазды.
Маалыматка ылайык, Лондондун ICE Futures биржасында Brent мунайы 2,68 долларга (2,65%) жогорулап, баррели 103,97 долларды түздү.
Нью-Йорк товардык биржасынын (NYMEX) электрондук соодасында WTI мунайы 2,59 долларга (2,71%) жогорулап, баррели 98,01 долларга жетти.
Өткөн аптада мунайлардын баасы 6%дан ашык төмөндөгөн болчу.
Saudi Aramco компаниясынын башкы директору Амин Насердин пикиринде, Жакынкы Чыгыштагы кырдаал бир нече жумадан ашык созулса, мунай рыногундагы азыркыдай абал 2027-жылга чейин сакталат.
