Бишкек, 23.09.25 /Кабар/. Эсептөө палатасынын кеңеши президенттин алдындагы Жусуп Абдрахманов атындагы Мамлекеттик башкаруу академиясынын 2020–2024-жылдардагы бюджети боюнча шайкештик аудиттин жыйынтыктарын карады.
Ведомстводон билдиришкендей, аудит учурунда бир катар финансылык жана башкаруу тартибинин бузуулары аныкталды. Атап айтканда:
- Материалдык запастарда ашыкча көлөм катталган;
- Жаратылыш газы боюнча колдонуу лимити ашырылган;
- Улуттук маалыматтык технологиялар борбору отчетторду толук эмес жана кеч тапшырган;
- Бишкек финансы-экономикалык техникумунда студенттердин контракттык төлөмдөрү боюнча карыздары бар экени аныкталган;
- “Ак-Толкун” мамлекеттик ишканасы академияга берилген каражаттарды кечиктирип кайтарган.
Аудиттин жыйынтыгында Эсептөө палатасы аныкталган бузууларды жоюу, ошондой эле мамлекеттик ресурстарды башкарууда ачык-айкындуулукту жана жоопкерчиликти күчөтүү боюнча сунуштарды иштеп чыкты.
