Бишкек, 08.06.26. /Кабар/. Өлкөдө @2gis.kg менен биргеликте туристтердин коопсуздугу жана ыңгайлуу навигациясы үчүн атайын маалыматтык такталар орнотулду. Бул тууралуу Туризмди өнүктүрүүнү колдоо фондунан билдиришти.
Маалыматка ылайык, жаңы такталар “Жомок” каньонунда, Соң-Көлдүн жээгинде жана өлкөнүн башка бир катар популярдуу туристтик локацияларында пайда болду.
Алар саякатчыларга багытты туура табууга жана аймактар тууралуу керектүү маалыматты алууга жардам берет.
